Աջափնյակ վարչական շրջանում տեղադրված նոր կանգառասրահներից երկուսի ապակիները կոտրել են: Աջափնյակ վարչական շրջանի ֆեյսբուքյան էջը հայտնում է, որ կանգառասրահները գտնվում են հետևյալ հասցեներում` Սիլիկյան Նոր խճուղի` Հ 2-ի դիմաց և Մազմանյան փողոց` «Գարաժ մոլ»-ի դիմաց։
«Խստորեն դատապարտում ենք նման վարքագիծը և վերաբերմունքը համայնքային գույքի հանդեպ։ Աջափնյակ վարչական շրջանի կողմից փաստի առթիվ գրություն է ուղարկվել ՀՀ Ոստիկանության բաժանմունք` մեղավորին հայտնաբերելու և պատասխանատվության ենթարկելու ուղղությամբ։
Նման վարքագիծը անընդունելի և դատապարտելի է»,- հայտնում են Աջափնյակ վարչական շրջանից։
