Նախաքննական մարմինն ավարտել ու դատարան է ուղարկել ՀՀ վարչապետ Նիկոլ Փաշինյանի որդու՝ Աշոտ Փաշինյանին և Գայանե Մարտիրոսյանին (Ազգուշ Մարտիրոսյանի) առնչվող քրեական գործը, որով զոհված զինծառայողի մայրը մեղադրվում է Աշոտ Փաշինյանին առևանգելու համար:
Այս մասին լրագրողների հետ զրույցում ասել է նրա փաստաբան Հովսեփ Սարգսյանը։
Մայիսի 17-ին «Հայկական ժամանակ»-ը, հղում անելով իր տեղեկություններին, հայտնել էր, որ վարչապետ Նիկոլ Փաշինյանի որդուն՝ Աշոտ Փաշինյանին, «Որդիների կանչ» ՀԿ անդամներն իր տան մերձակայքից փորձել են առևանգել: Այնուհետև ՀՀ ՆԳՆ ոստիկանությունը հաղորդեց, որ ստացել է հաղորդում վարչապետի որդուն առևանգելու փորձի վերաբերյալ, որից հետո հրապարակեցինք կադրեր, թե ինչպես է Աշոտ Փաշինյանը դուրս նետվում այն մեքենայից, որով փորձել էին նրան առևանգել:
Ավելի ուշ արդեն ՀՀ քննչական կոմիտեն հանդես եկավ հայտարարությամբ՝ մանրամասներ հայտնելով տեղի ունեցած միջադեպի մասին՝ ներկայացնելով Աշոտ Փաշինյանի ցուցմունքը:
Այս գործով Աշոտ Փաշինյանը ճանաչվել է տուժող, Գայանե Հակոբյանն իրեն հասեցագրված մեղադրանքը չի ընդունում:
Աշոտ Փաշինյանին առևանգելու համար կասկածվող Գայանե Հակոբյանը դատարանի որոշմամբ 1 ամսով կալանավորվել է:
