Եվրամիությունը դատապարտում է Բելառուսում ռուսական միջուկային զենք տեղակայելու որոշումը։ Այս մասին նշված է ԵՄ արտաքին քաղաքականության և անվտանգության հարցերով բարձր ներկայացուցիչ Ջոզեֆ Բորելի հայտարարության մեջ։
«Սա քայլ է, որը մեզ հետագայում կհանգեցնի ծայրահեղ վտանգավոր էսկալացիայի», – ասել է Բորելը։
Եվրամիության բարձր ներկայացուցչի խոսքով՝ այս որոշումը հակասում է Ռուսաստանին դրված Բուդապեշտի հուշագրի հիման վրա դրված պարտավորություններին, ըստ որի՝ Բելառուսն իր տարածքից վերացրել է բոլոր միջուկային զենքերը։ Դա նաև հակասում է 2022 թվականի հունվարի 3-ի միջուկային զենք ունեցող հինգ պետությունների ղեկավարների համատեղ հայտարարությանը, որտեղ ասվում է, որ միջուկային զենքը պատերազմում հաղթող չի ունենա և երբեք չպետք է օգտագործվի։
Բորելի խոսքով՝ Բելառուսը Ուկրաինայի դեմ Ռուսաստանի պատերազմի մեղսակիցն է։
«Մենք կոչ ենք անում բելառուսական իշխանություններին անհապաղ դադարեցնել Ուկրաինայի դեմ Ռուսաստանի ագրեսիվ պատերազմին աջակցությունը և չեղարկել որոշումները, որոնք կարող են միայն մեծացնել լարվածությունը տարածաշրջանում և խաթարել Բելառուսի ինքնիշխանությունը»,- ասված է հայտարարության մեջ։
