Մոսկվան հույս ունի, որ մայիսի 25-ին Ռուսաստանի մայրաքաղաքում Ռուսաստանի, Հայաստանի և Ադրբեջանի ղեկավարների հանդիպումը արդյունավետ կլինի։ Այս մասին լրատվամիջոցներին հայտնել է ՌԴ նախագահի մամուլի քարտուղար Դմիտրի Պեսկովը։
«Հինգշաբթի օրը և՛ նախագահ Ալիևը, և՛ վարչապետ Փաշինյանը կլինեն այստեղ, մենք ակնկալում ենք, որ մեր նախագահի հետ շփումներ կլինեն։ Նախապատրաստական աշխատանքներ են տարվում այդ շփումների համար, և, իհարկե, կցանկանայինք հուսալ, որ արդյունքներ կլինեն, որքանով դա արդյունավետ կլինի՝ ժամանակը ցույց կտա»,- ասել է Կրեմլի խոսնակը
