Ադրբեջանի առողջապահության նախարար Թեյմուր Մուսաևը ԱՀԿ եվրոպական տարածաշրջանային բյուրոյի տնօրեն Հանս Հենրի Կլյուգեի հետ հանդիպման ժամանակ հայտարարել է, որ կազմակերպության պաշտոնական ներկայացուցիչը Հայաստանում իրեն թույլ է տվել․ «Ադրբեջանի ինքնիշխան տարածքների վերաբերյալ կեղծ, կողմնակալ և իր մանդատին հակասող կարծիքներ հայտնել»․ հայտնում են ադրբեջանական լրատվամիջոցները։
Միաժամանակ, նա կոչ է արել ԱՀԿ տարածաշրջանային բաժանմունքներին զերծ մնալ ցանկացած քաղաքական հայտարարություններից, որոնք խոչընդոտում են տարածաշրջանում խաղաղության օրակարգի ջանքերին։ Կլյուգեն վստահություն է հայտնել, որ կազմակերպությունը հետագայում իր գործունեությունը կիրականացնի չեզոք և անկողմնակալ:
Հիշեցնենք, որ Ժնևում ընթանում է Առողջապահության համաշխարհային 76-րդ ասամբլեան, որին մասնակցում է նաև ՀՀ Առողջապահության նախարար Անահիտ Ավանեսյանը։
Ավելի վաղ Հայաստանում ԱՀԿ տարածաշրջանային տնօրենի հատուկ ներկայացուցիչ Մարթե Էվերարդը Անահիտ Ավանեսյանի հետ հանդիպմանն ասել էր, թե դատապարտում են Լաչինի միջանցքում և Հայաստանի սահմանին տեղի ունեցող գործողությունները:
