Ձեր սխրանքն անմահ է, տղե´րք․ երեկ Եղվարդում տեղի է ունեցել արցախյան 44-օրյա պատերազմում զոհված քաջորդիներ Ռոբերտ Հասրաթյանի և Հայկ Մարդանյանի հիշատակին նվիրված ցայտաղբյուրի բացման արարողությունը, հայտնում են Նաիրի համայնքի ֆեյսբուքյան էջում։
Եղվարդի Սուրբ Սարգիս եկեղեցու քահանա Տեր Հովսեփ Ալեքսանյանը ներկաների հետ աղոթք է կարդացել, որից հետո Ռոբերտ Հասրաթյանի մայրը՝ տիկին Ռիմա Հայրիյանը, և Հայկ Մարդանյանի կինը՝ Ծովինար Մարտիրոսյանը, բացել են Ռոբերտի տան բակում կառուցած ցայտաղբյուրը։
