Ինչպես հայտնի է՝ Բրյուսելում մեկնարկել է Հայաստանի վարչապետ Նիկոլ Փաշինյանի, Ադրբեջանի նախագահ Իլհամ Ալիևի և Եվրոպական խորհրդի նախագահ Շառլ Միշելի եռակողմ հանդիպումը։
ՀՀ վարչապետն իր «Ֆեյսբուք»-ի էջում տեսանյութ է հրապարակել եռակողմ հանդիպման մեկնարկից:
Հիշեցնենք՝ մինչ այս վարչապետ Նիկոլ Փաշինյանը Բրյուսելում ոչ ֆորմալ հադիպում էր ունեցել Եվրոպական խորհրդի նախագահ Շառլ Միշելի հետ:
Նմանատիպ հանդիպում են ունեցել նաև Ադրբեջանի նախագահ Ալիևն ու Շառլ Միշելը:
2 դեպքում էլ զրուցակիցները քննարկել են ադրբեջանա-հայկական հարաբերությունների հետ կապված վերջին զարգացումները, Վաշինգտոնում ընթացող բանակցությունները, ադրբեջանա-հայկական սահմանին տիրող իրավիճակն ու սպասվող հանդիպումը:
