ՀՀ վարչապետ Նիկոլ Փաշինյանն իր ֆեյսբուքյան էջում կիսվել է «Կալիֆորնիա Կուրիեր»-ի հոդվածով ու կատարել է հետևյալ գրառումը.
«Ուրախ եմ, որ սփյուռքի ամենահեղինակավոր թեթերից մեկը՝ «Կալիֆորնիա կուրյերը», այսպես է գնահատել ԵԽԽՎ-ում իմ ունեցած ելույթը:»
Հիշեցնենք, որ անցած շաբաթ Ֆրանսիայի Ստրասբուրգ քաղաքում Հայաստանի վարչապետ Նիկոլ Փաշինյանն առաջին անգամ ելույթ ունեցավ Եվրոպայի խորհրդի խորհրդարանական վեհաժողովում (ԵԽԽՎ): Այս մասին հորդվածով հանդես է եկել «Կալիֆորնիա Կուրիեր» թերթի հրատարակիչ և խմբագիր Հարութ Սասունյանը՝ վերնագրելով այն հետեւյալ կերպ՝ «Փաշինյանն անցնում է առաջին քաղաքական տեստը միջազգային ասպարեզում»:
«Փաշինյանը տպավորիչ ելույթ ունեցավ 47 եվրոպական երկրների ներկայացուցիչների առջև։ Ավելի տպավորիչ էր վարչապետի պատասխանները նրանց տասնյակ հարցերին։ Մինչ ելույթը նախապատրաստված էր, հարցերը հանպատրաստից էին և պատասխանները պետք է տրվեին տեղում։
