Մարիա Արենի Մկրտչյան… րոպեներ առաջ լույս աշխարհ եկավ առաջնեկս: Այս մասին այսօր Ազգային ժողովում իր ելույթի վերջում հայտնեց «Քաղաքացիական պայմանագիր» խմբակցության պատգամավոր Արեն Մկրտչյանը:
«Բարի գալուստ, աղջիկս, Հայաստան ունենալը թանկ հաճույք է, կա 5 հազար ազգություն և 200-ն են, որ բախտ ունեն դրոշ ու զինանշան, հիմն ու Սահմանադրություն ունենան: Քո տունը Հայաստանն է, որը պետք է սիրել խելագար սիրով, որը պետք է խնամել ու գուրգուրել ավելին, քան ծնողին, քո տունը Հայաստանն է, որի համար պետք է պայքարես, ոչ թե չորս պատը, որում պետք է ապրես: Խոստանում եմ քեզ ժառանգություն թողնել իմ երազած Հայաստանը, շատերն ընկան, որ դու ապրես, պետք է ապրես այնպես, որ արժևորես զոհողությունը նրանց, ովքեր չկան, որ դու լինես»,- ասաց նա:
Արեն Մկրտչյանը իր ելույթում ասաց, որ հավատում է, որ իրենք կհաջողեն, քանի որ ազնիվ են իրենց նպատակներում և անսահմանափակ՝ երազանքներում:
Մանրամասները՝ տեսանյութում: