«Ճիշտն ասած, ես չեմ հասկանում էս կռիվն ինչի մասին էր: Այ ձեր ցավը տանեմ, հիմա բացեք օրենքի նախագծերը, որոնք նախաձեռնվել են ընդդիմության կողմից և դրական եզրակացություն են ստացել, շուտով մենք քննարկելու ենք: Էդ ինչի՞ եք ամեն անգամ էդ բանը շահարկում, իհարկե, այդպես չէ»,- Աժ-ում ասաց նախագահ Արարատ Միրզոյանը` անդրադառնալով Իմ քայլը և ԼՀԿ խմբակցության ներկայացուցիչների միջև տեղի ունեցած բանավեճերին:
«Տիկին Զոհրաբյան, առաջարկում եմ այսուհետ այդպիսի բաներ չասել՝ Նիկոլ Փաշինյանի շնորհիվ, Արարատ Միրզոյանի շնորհիվ հայտնվել եք այստեղ: Այստեղ մարդիկ են նստած, որոնք լուրջ հետագիծ ունեն և պրոֆեսիոնալ, և քաղաքական առումով:
Կոռեկտությունը պահել է պետք, այո, անհեթեթություն չի կարելի ասել ֆրակցիայի նախագծին, բայց նաև չի կարելի անընդհատ շահարկել հակառակ կողմից և վիրավորական արտահայտություններ հնչեցնել:
Ի՞նչ ա նշանակում՝ դու ո՞վ ես, պարոն Մարուքյան: Ի՞նչ է նշանակում ֆրակցիայի ղեկավարը հանձնաժողովի նախագահին ասում ա՝ դու ո՞վ ես, է: Մխիթար Հայրապետյանն ա, հարցեր կա՞ն»,- ասաց Արարատ Միրզոյանը:
աղբյուրը՝ Armlur
