ՀՀ վարչապետի տիկին, «Իմ քայլը» և «City of smile – Ժպիտների քաղաք» բարեգործական հիմնադրամների հոգաբարձուների խորհրդի նախագահ Աննա Հակոբյանի հարցազրույցը ամերիկյան Fox 11 հեռուստաընկերությանը:
Հարցազրուցյը տեսագրվել է Աննա Հակոբյանի՝ ԱՄՆ այցի շրջանակներում: Հարցազրույցի առաջին հատվածում հաղորդավարուհին ներկայացրել է ՀՀ վարչապետի տիկնոջ կենսագրությունը, գործունեությունը. նա հիանում է այն փաստով, որ և՛ Աննա Հակոբյանը, և՛ ՀՀ վարչապետ Նիկոլ Փաշինյանը լրագրողներ են:
«Կցանկանայի տեսնել Հոլիվուդը, օվկիանոսը, նաև կցանկանայի քայլել Լոս Անջելեսի փողոցներով, որպեսզի զգամ քաղաքի ոգին: Ես չգիտեմ, թե դա ինչպես է ստացվել, բայց ես մանկուց միշտ երազել եմ լրագրող դառնալ»,- ասել է Աննա Հակոբյանը:
Այնուհետև հաղորդավարուհին նրան հարցրել է, թե ինչպե՞ս հաջողվեց հեղափոխություն անել, ինչին ի պատասխան` Աննա Հակոբյանն ասել է.
«Մասնակցում էին մեծ թվով կանայք, իրենց երեխաների հետ: Հեղափոխության օրերին հայ կանայք կանգնել էին փողոցներում որպես խաղաղության և սիրո երաշխավոր»:
Հարցազրույցի ավարտից հետո տաղավարում հաղորդավարները զրույցի ժամանակ նշել են, որ Աննա Հակոբյանին հայերեն խոսելու հնարավորություն է տրվել, սակայն վերջինս խոսել է անգլերեն:
«Նա պարզ և հասարակ մարդ է, երիտասարդ է, ունի 4 երեխա»,- ասել է հաղորդավարուհին:
