Համացանցում հայտնվել է ԲՀԿ պատգամավոր Նաիրա Զոհրաբյանի նոր նմանակումը:
Հիշեցնենք, որ ԲՀԿ քաղաքապետի թեկնածու Նաիրա Զոհրաբյանը «Իմ քայլի» քաղաքապետի թեկնածուին` Հայկ Մարությանին նախընտրական քարոզարշավի ժամանակ անվանեց սովորական գաստրալյոր, ըստ նրա՝ այդ թեկնածուին ուզում են փաթաթել ժողովրդի վզին:
«Ով Երեւանը դարձնելու է Երեւան production, իր հերթական բիզնես նախագծերից մեկը, դա անելու են էյֆորիայի ազդեցության տակ, ասում են ՝ քանի էյֆորիան չի անցել, արագ անենք այս ընտրություններն էլ»,- ասաց Նաիրա Զոհրաբյանը:
Նրա խոսքով, իրենք ամեն օր «Իմ քայլի» քաղաքապետի թեկնածուին հրավիրում են բանավեճի, բայց փախչում է. «Գա, ինչ խոսա, վախենում է, հիմա էլ ասում եմ՝ տղամարդ ես, հրավիրում եմ բանավեճի, արի առանց Նիկոլի, տեսնենք՝ ինչպես ես լուծելու Երեւանի խնդիրները…Դուխ ունեք, տղամարդ եք ոչ թե ֆեյքերով, այլ եկեք կանգնեք այստեղ բանավիճենք»:
