Shamshyan.com-ի տեղեկություններով, արտակարգ դեպք է տեղի ունեցել Երևանում։ Հարավարևմտյան թաղամասի Օհանովի 55 շենքի մուտքերից մեկում հրդեհ է բռնկվել։
Ինչպես հայտնում է ֆոտոլրագրողը, մինչ օպերատիվորեն կժամանեին ՀՀ Ներքին գործերի նախարարության փրկարար ծառայության Երևանի հրշեջ-փրկարարական ջոկատից մեկ մարտական հաշվարկ, կրակի տարածման դեմ պայքարել են քաղաքացիները, ապա ժամանած հրշեջները մարել են այն։
Ըստ նախնական տեղեկությունների՝ բարեբախտաբար, տուժածներ չկան։
Բնակիչների հաղորդմամբ՝ բռնկվել ու մոխրակույտի է վերածվել մուտքում տեղադրված հին բազմոցը:
