Ֆրանսիացի պատգամավոր Անն Լորանս Փեթելը թվիթերի իր միկրոբլոգում արված գրառմամբ անդրադարձել է Լաչինի շրջափակված միջանցքին։
«Ռուսաստանը մեղսակից է Ադրբեջանին։ Ռուսաստանն ունի բանալին և կարող է ապաշրջափակել իրավիճակը (Լաչինի միջանցքը-խմբ․)։
Ինչո՞ւ չի անում: Ի՞նչ գործարք կա Պուտինի և Ալիևի միջև»,- գրել է պատգամավորը հեշթեգերով նշելով՝ #սողնակ #շրջափակում։
Ադրբեջանը արդեն 41 օր է՝ դեկտեմբերի 12-ից մինչ այս պահը, շարունակում է փակ պահել Արցախն աշխարհին կապող միակ ճանապարհը՝ Լաչինի միջանցքը՝ բերելով կեղծ բնապահպանական պատճառաբանություններ։
