Բարսելոնայում ձերբակալվել է Մեքսիկական «Պումաս» ակումբի և Բրազիլիայի ազգային հավաքականի պաշտպան Դանի Ալվեշը։ Այս մասին հայտնել է Cadena Ser-ը։
39-ամյա բրազիլացին կասկածվում է սեռական ոտնձգությունների, մասնավորապես դեկտեմբերի 30-ին Բարսելոնայի գիշերային ակումբում երիտասարդ կնոջ նկատմամբ բռնություն գործադրելու մեջ։
Նա այսօր առավոտյան ներկայացել է Կատալոնիայի մայրաքաղաքի ոստիկանական բաժանմունք հարցաքննության, որից հետո է ձերբակալվել։ Առաջիկայում դատարանը նրա նկատմամբ պետք է խափանման միջոց ընտրի։
Ալվեշը կասկածվում է դեկտեմբերի 30-ին Բարսելոնայի գիշերային ակումբում երիտասարդ կնոջ նկատմամբ բռնություն գործադրելու մեջ:
Աղբյուրը նշում է, որ Դանի Ալվեշը հերքում է մեղադրանքները։
