Բելառուսի նախագահ Ալեքսանդր Լուկաշենկոն ցավակցություն է հայտնել Հայաստանի նախագահ Վահագն Խաչատուրյանին՝ զորամասերից մեկում բռնկված հրդեհի հետեւանքով մարդկանց մահվան կապակցությամբ։
«Ցավով տեղեկացա Հայաստանի պաշտպանության նախարարության զորամասերից մեկում բռնկված հրդեհի մասին, որը մարդկային զոհերի պատճառ է դարձել»,- ասված է ցավակցական ուղերձում։
Ալեքսանդր Լուկաշենկոն անկեղծ ցավակցություն է հայտնել զոհվածների հարազատներին եւ մտերիմներին եւ շուտափույթ ապաքինում մաղթել այս ողբերգության հետեւանքով բոլոր տուժածներին։
Հիշեցնենք, որ հունվարի 19-ին, ժամը 01:30-ի սահմաններում, հրդեհ է բռնկվել Գեղարքունիքի մարզի Ազատ գյուղի տարածքում գտնվող ՀՀ ՊՆ N զորամասի ինժեներաականազերծման վաշտի ապաստարանում։ Նախնական տվյալներով՝ հրդեհի հետեւանքով զոհվել է 15 զինծառայող։ Հարուցվել է քրեական գործ, պաշտոնից հեռացվել են բանակային երկրորդ կորպուսի հրամանատարը եւ այլ պաշտոնյաներ։
