Յակուտիայի Գորնի շրջանի Տոնգուլախ օդերեւութաբանական կայանում գրանցվել է օդի -67°C ջերմաստիճան։ Այս մասին հաղորդվում է Յակուտսկի հիդրոօդերեւութաբանության և շրջակա միջավայրի մոնիտորինգի վարչության (YAUGMS) Telegram ալիքը։
Ըստ հաղորդագրության՝ Գորնի շրջանի մարզկենտրոն Բերդիգեստյախ գյուղում ջերմաստիճանը նվազել է մինչև -59°C, իսկ օդերևութաբանական այլ 30 դիտակետերում գրանցվել է -50°C ջերմաստիճան։
Ավելի վաղ հայտնել էին, որ հունվարի 12-ից Յակուտիայի հյուսիսային շրջաններում սպասվում են ուժեղ սառնամանիքներ մինչև -65-ից -67°C։ Նման եղանակը տարածաշրջանում կշարունակվի մինչև հունվարի 16-ը։
Ռուսաստանի հիդրոօդերևութաբանության կենտրոնի գիտական ղեկավար Ռոման Վիլֆանդը ավելի վաղ հայտարարել էր, որ Իրկուտսկի մարզում սպասվում է մինչև -60°C, Յակուտիայում մինչև -67°C, իսկ Կրասնոյարսկի երկրամասում՝ մինչև – 57°C։