Ազգային ժողովի շենքի առջև ցույցի մասնակիցների հետ հանդիպման ընթացքում ԱԺ փոխնախագահ Ալեն Սիմոնյանը փոխադարձ բարձր տոնայնությամբ խոսակցություն ունեցավ ցույցին մասնակցող հոգևորականի հետ։
Հոգևորականը պահանջում էր օրհնության կարգ անել Ազգային ժողովի դահլիճում, ինչին Սիմոնյանը պատասխանեց, որ դա քննարկի այն ժամանակ, երբ հարմար լինի։
Սա հոգևորականին չբավարարեց, ինչի պատճառով զրուցակիցները բարձրացրին ձայները։
Սիմոնյանը հորդորեց մի կողմ թողնել պատվիրաններն ու ժողովրդին ուղղված հաճոյախոսությունները, ինչից հետո կողմերը սկսեցին միմյանց հասցեին մեղադրանքներ հնչեցնել:
