Հայրենադարձների համար հայերենի անվճար դասընթացների 3-րդ փուլն ավարտվել է։ Այն ունեցել է 80 մասնակից:
Այս մասին տեղեկացնում է Սփյուռքի գլխավոր հանձանակատրի գրասենյակը։
Ամբողջ տարվա ընթացքում 240 հայրենադարձներ շուրջ 2 տասնյակ երկրներից սովորել են հայերեն կարդալ, գրել և բարելավել մայրենիի գիտելիքները:
Դասընթացների փակման արարողության ժամանակ Գլխավոր հանձնակատար Զարեհ Սինանյանը շնորհավորել է մասնակիցներին՝ նրանց հանձնելով վկայականներ և հույս հայտնել, որ այս գիտելիքները կօգնեն ավելի հեշտ ինտեգրվել հայաստանյան կյանքում։
Դասընթացի մասնակիցները ցանկություն են հայտնել ստեղծել խումբ և պահպանել այս ընթացքում ձեռ բերված կապերը:
Հայրենադարձների համար հայոց լեզվի անվճար նոր դասընթացների հայտերի ընդունումը կսկսվի հաջորդ տարի։
