«Բարգավաճ Հայաստան» խմբակցության պատգամավոր Էդուարդ Բաբայանին դատարանը մեղավոր է ճանաչել և դատապարտել 3 տարի 6 ամիս ժամկետով ազատազրկման, սակայն նա համաներմամբ ազատ է արձակվել:
Այս մասին ասաց ՀՀ գլխավոր դատախազության հանրային կապերի բաժնի պետ Արևիկ Խաչատրյանը:
«Դատարանը Բաբայանին մեղավոր է ճանաչել, դատապարտել 3,6 տարի ազատազրկման, իսկ Էրեբունի-Երևանի հիմնադրման 2800-ամյակի և ՀՀ անկախության հռչակման 100-ամյակի կապակցությամբ քրեական գործերով համաներում հայտարարելու մասին օրենքի համաձայն՝ Բաբայանն ազատվել է պատժի կրումից»,-ասաց Խաչատրյանը:
Նշեք, որ ըստ վերը նշված օրենքի՝ պատժից ազատվում են առավելագույնը չորս տարի ժամկետով ազատազրկման ենթարկված անձինք:
Հիշեցնենք, որ Բաբայանը մեղադրվում էր «Օլիմպավան» մարզական համալիրում Վյաչեսլավ Հարությունովի առողջությանը դիտավորությամբ ծանր վնաս պատճառելու մեջ: Նրան մեղադրանք էր առաջադրվել ՀՀ ՔՕ-ի 112-րդ հոդվածի 2-րդ մասի 6-րդ կետի հատկանիշներով:
