ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը տեղեկացնում է, որ ինչպես ավելի վաղ կանխատեսվել էր, ապրիլի 7-ի կլինի արևային և առանց տեղումների եղանակ:
Այս մասին նա գրառում է կատարել ֆեյսբուքյան իր էջում:
«Սիրելի տիկնայք և աղջիկներ, վաղվա ձեզ խոստացած արևառատ և ջերմ օրը ուժի մեջ է»,-նշել է Գագիկ Սուրենյանը:
ԱԻՆ տվյալներով՝ այսօր ժամանակ առ ժամանակ սպասվում է անձրև և ամպրոպ, սակայն վաղվանից ակնկալվում է առանց տեղումների եղանակ: Հանրապետության տարածքում օդի ջերմաստիճանը կբարձրանա մինչև +20 աստիճան:
