Ռուսաստանի Սախալինի մարզի Տիմովսկոյե քաղաքատիպ ավանի հինգ հարկանի բնակելի շենքում կենցաղային գազի պայթյուն է տեղի ունեցել, պայթյունի հետևանքով զոհվել է երեք մարդ, հայտնում է Ria.ru—ն։
«Ըստ նախնական տեղեկությունների՝ փլատակներից դուրս են բերվել 3 մահացած բնակիչների դիերը»,- ասել է Սախալինի մարզի ղեկավար Վալերի Լիմարենկոն։
Ավելի վաղ նահանգապետը հայտնել էր մեկ զոհի և մեկ վիրավորի մասին։
Նա նշել է, որ փրկարարական աշխատանքները շարունակվում են։ Ավանում մի քանի վիրահատարաններ են տեղակայել, այնտեղ են գալիս վիրաբույժների լրացուցիչ բրիգադներ։
Արտակարգ իրավիճակների նախարարությունից «ՌԻԱ Նովոստի»-ին հայտնել է, որ տուժածների թիվը հասել է 9-ի։ Նշվել է, որ պայթյունը տեղի է ունեցել 70-ականներին կառուցված շենքի առաջին մուտքի չորրորդ հարկում։ Ըստ մարզպետի՝ շենքը գազաֆիկացված չէր։
Փլուզումը տեղի է ունեցել հինգերորդից առաջին հարկերում։ Ըստ նախնական վարկածի՝ պայթունի պատճառը բնակարաններից մեկում կենցաղային գազն էր։
