«Երեկ հայ-ադրբեջանական սահմանագոտու արևելյան հատվածում վիրավորում ստացած զինծառայողը զինվորական հոսպիտալում վիրահատվել է». այս մասին Radar Armenia-ի հետ զրույցում ասել է ՀՀ պաշտպանության նախարարի մամուլի քարտուղար Արամ Թորոսյանը։
«Վիրահատությունը բարեհաջող է անցել: Այս պահին զինծառայողի կյանքին վտանգ չի սպառնում, հոսպիտալի բուժանձնակազմի հսկողության տակ է»,- ասաց Թորոսյանը։
Հիշեցնենք՝ Նոյեմբերի 10-ին՝ ժամը 10:30-ի սահմաններում, հայ-ադրբեջանական սահմանագոտու արևելյան հատվածում տեղակայված մարտական դիրքում հակառակորդի կրակոցից հրազենային վիրավորում է ստացել ՀՀ ՊՆ N զորամասի զինծառայող, շարքային Պ. Խ.-ն: Վիրավոր զինծառայողի վիճակը գնահատվում է ծայրահեղ ծանր:
