Կառավարությունը 508 մլն դրամ հատկացրեց 7 մարզի 20 բնակավայրի 21 սուբվենցիոն ծրագրերի համար

Առաջարկվում է 508 միլիոն դրամ տրամադրել 20 բնակավայրում 21 սուբվենցիոն ծրագրերի համար: Նախագիծը Կառավարության նիստում ներկայացրեց ՏԿԵ նախարար Գնել Սանոսյանը: Ընդհանուր՝ խոսքը 7 մարզի մասին է:

«Այս տարվա համար ընդհանուր բյուջեով նախատեսել ենք 18 միլիարդ դրամ, այդ 18 միլիարդից 324 ծրագրի համար Կառավարությունն իր մասնաբաժինը ֆինանսավորել է, որը կազմում է 9 միլիարդ 260 միլիոն դրամ: Բայց եթե մեր մարզերը 18-ից ավելի կիրականացնեն, մենք վերաբաշխում կանենք»,- ասաց նախարարը:

Սանոսյանը նշեց, որ ծրագրեր կան, որոնք այս տարի կավարտվեն, բայց ծրագրեր էլ կան, որոնք ավելի երկար կտևեն:

Մի մոռացեք կիսվել Ձեր ընկերների հետ