Ադրբեջանի պաշտպանության նախարարությունը հայտնել է ադրբեջանցի 50 զինվորների մահվան մասին։
«Ընդհանուր առմամբ, զոհվել է զինված ուժերի 50 զինծառայող, այդ թվում՝ ադրբեջանական բանակի 42 և պետական սահմանային ծառայության 8 զինծառայող», -ասվում է Ադրբեջանի ՊՆ հաղորդագրոթյան մեջ։
Հիշեցնենք, որ սեպտեմբերի 13-ի վաղ առավոտյան ադրբեջանական ստորաբաժանումները հայ-ադրբեջանական սահմանի միաժամանակ մի քանի ուղղություններով փորձել են դիրքային առաջխաղացում ապահովել։
Հիշեցնենք, որ ավելի վաղ ՀՀ ՊՆ-ն տեսանյութ էր հրապարակել, որտեղ պատկերված էր այդպիսի փորձերից մեկը, որի ընթացքում հակառակորդը, հատելով սահմանը, մոտենում է հայկական դիրքերին, այնուհետև, կրելով կորուստներ, ստիպված վերադառնում ելման դիրքեր։
