Երեկ կեսգիշերին Էջմիածին քաղաքում տհաճ հոտ էր տարածվել, որի ծագումը բնակիչների համար անհասկանալի էր: Էջմիածնի քաղաքապետ Դիանա Գասպարյանը կոչ էր արել քաղաքացիներին խուճապի չմատնվել։
Առավոտյան Դիանա Գասպարյանը SHANTNEWS.am կայքի լրարգրողի հետ զրույցում ասաց, որ ԱԻՆ արագ արձագանքման խումբը գիշերը պարզել է` հոտի սկզբնաղբյուրն Էջմիածնից 5-7 կմ հեռավորության վրա գտնվող մի գյուղում է, ուր բնակիչներից մեկը գազի բալոնն է դատարկել:
Թափված յուղային զանգվածը մեքենաների անիվների հետ տարածվել է շրջակայքում: Ըստ ԱԻՆ քիմիկոսների` օդում առողջության համար վտանգավոր նյութեր չկան:
Քաղաքի ոստիկանությանը հանձնարարվել է հայտնաբերել գազի բալոնը դատարկողին:
