Այսօր կառավարության հերթական նիստին ՀՀ վարչապետ Նիկոլ Փաշինյանը անդրադարձավ մամուլի հրապարակումներին, ըստ որոնց՝ շինարարները դժգոհում են, որ իրենց գումարները չեն տրվում: «Չեն տրվում այն աշխատանքների գումարները, որոնք որակով չեն իրականացվում, և հանկարծ որևէ մեկը հույս չունենա, որ խոտանի համար պետությունը վճարելու է, դա բացառված բան է, խոտանի համար ինչո՞ւ պետք է պետությունը վճարի»,- ասաց նա:
Նիկոլ Փաշինյանն ասաց, որ շինարարների բացի սև ու սպիտակ ցուցակներից, պետք է ռեյտինգավորեն կապալառու ընկերություններին:
«Տպավորություն են փորձում ստեղծել, որ կառավարությունը փողը չի տալիս, ֆինանսական խնդիր կա, մենք 2018 թվականից մինչև օրս ոչ մի օր ֆինանսական խնդիր չենք ունեցել»,- ասաց նա: Անդրադառնալով կապիտալ ծախսերի թերակատրամանը՝ վարչապետը նշեց, որ ոչ թե իրենք չեն հասցնում վճարել շինարարներին, այլ շինարարները չեն հասցնում: