Օրեցօր էլ ավելի փոքրաթիվ հանրահավաքներ, առաջնորդների ներքին տարաձայնություններ, գզվռտոց ու աննպատակ ակցիաներ։ Թերևս ակնհայտ է, որ այսպես կոչված «Դիմադրության» շարժումը արդեն իսկ մարել է։ Օրինակ այսօր՝ հունիսի 12-ին շարժման կազմակերպած բողոքի ակցիային մասնակցել է ընդամենը 600 մարդ։ Իհարկե, սա արդեն ծիծաղելի թիվ է, այնինչ՝ Իշխան Սաղաթելյանը դեռ օրեր առաջ էր հայտարարում, որ հաշված օրեր անց երկրում իշխանափոխություն է լինելու։ Անցան օրեր, և արդեն մոտ 2 ամիս տևած իշխանափոխության պահանջով բողոքի ակցիաների մասնակիցների թիվն արդեն իսկ ծիծաղելի է։
Իհարկե, այս ամենը շատ լավ հասկանում է նաև Իշխան Սաղաթելյանը, ով արդեն իսկ հայտարարում է, թե իբր նոր մարտավարություն են մշակում, որպեսզի նոր շունչ հաղորդեն շարժմանը։ Բայց իրականում ինքը՝ Իշխան Սաղաթելյանն էլ է լավ հասկանում, որ այլևս ոչինչ չի փրկի։
«Շարժումը տապալվեց․․․իտոգում մնացինք բաց **ներիս, էսա մի ամսից էլ մանդատից կզրկեն, համ մանդատից զրկվեցինք, համ էլ էլ փողոց չենք կարա մարդ հանենք․․․»,- ասել է Իշխան Սաղաթելյանը շարժման մասին քննարկումներից մեկի ժամանակ։
