Արցախցի փոքրիկ Միշան՝ Միխայիլ Գրիգորյանը, փայլուն ելույթ է ունեցել «Голос.Дети»-ում: Ես Հայաստանից եմ՝ Ստեփանակերտից,- այսպես է ներկայացել փոքրիկ Միշան:
Ելույթից հետո Վալերի Մելձեն հիացած արձագանքեց․ «Պատրաստի արտիստ, հիանալի երգում է, սքանչելի տեսք ունի, պարում է «գժական»»։
Հիշեցնենք, որ Միշան ծնվել է Արցախի մայրաքաղաքում՝ Ստեփանակերտում: Մայրը և հայրը նույնպես ծագումով արցախցիներ են, մայրը տեղական մանկապարտեզում երաժշտության ուսուցչուհի է, իսկ հայրը՝ Արցախի բանակի նվագախմբի դիրիժոր։
Ընտանիքում 3 երեխաներից երրորդն է: Նա սովորում է Ստեփանակերտի Ալ. Գրիբոյեդովի անվան հ․3 միջնակարգ դպրոցում:
Միշան զբաղվում է երաժշտությամբ 4 տարեկանից։ Նա «Արցախի ձայներ» երաժշտական խմբի անդամ է, պրոդյուսերը Լիրա Քոչարյանն է, ով այդ խմբի հիմնադիր, ղեկավարն է: Միշան կարողանում է նվագել դաշնամուր, ջութակ, տիրապետում է հարվածային գործիքի: Նա ունի 4 տեսահոլովակ՝ «Հորովել», «Ես եմ», «Փոքրիկ Ղարաբաղցի» և «Բումերանգ»։