Ռուսական մանկական «Ձայնը» հաղրդման շրջանականերում ժյուրիին իր ելույթով հիացրել է փոքրիկ Միշա Գրիգորյանը:
Միշան ծնվել է 2008 թվականին Արցախում, երաժիշտների ընտանիքում: Նրա հայրը ԼՂՀ ՊԲ զինվորական նվագախմբի դիրիժորն է, մայրը՝ երաժշտության ուսուցչուհի մանկապարտեզում:
Միշան երգեցողությամբ սկսել է զբաղվել 4 տարեկանից եւ կրթվել պրոդյուսեր Լիրա Քոչարյանի մոտ, ով «Արցախի ձայներ» խմբի հիմնադիրն է եւ գեղարվեստական ղեկավարը:
Նրա երաժշտական ունակությունները կատարելագործվել են վերոնշյալ «Արցախի ձայներ» խմբի հետ համատեղ աշխատանքի ընթացքում, որտեղ նա սովորել է ու շփվել իրենից ավագ ու պրոֆեսիոնալ երգիչների հետ:
Միշա Գրիգորյանը ներկայացրել է Հայաստանը «Մանկական Նոր ալիք 2016» երգի միջազգային մրցույթում։
Մրցութային առաջին օրը նա կատարել է «Փոքրիկ ղարաբաղցի» երգը` հավաքելով 87 միավոր 88 հնարավորից, իսկ երկրորդ փուլում` «Uptown Funk» համաշխարհային հիթը։ Մրցույթի արդյունքներով Միշան զբաղեցրել է երկրորդ տեղը։