Ժամեր առաջ Քննչական կոմիտեն հայտարարություն տարածեց, որ քաղաքական ընդդիմության կողմից Ֆրանսիայի հրապարակում կազմակերպված հավաքի՝ մահացած մասնակցին և հավաքի այլ մասնակիցներին թմրամիջոց իրացնելու դեպքի առթիվ քննվող գործով կա ձերբակալված։
ՀՀ Ազգային անվտանգության ծառայության և Ոստիկանության քրեական հետախուզության գլխավոր վարչության ու տարածքային համապատասխան ստորաբաժանումների հետ իրականացվող համատեղ միջոցառումների ընթացքում իրականացված 39 բնակարանների և 4 ավտոմեքենաների խուզարկությամբ հայտնաբերվել են հրազեն, համալրող դետալներ, փամփուշտներ, «Մարիխուանա», «Հաշիշ», կանեփի սերմեր և թփեր, իսկ քաղ. Ա.Վ.-ի ավտոմեքենայի պահեստային անվադողի տեղադրման հատվածից՝ 475 գրամ «Մեթամֆետամին», 950 գրամ «Մարիխուանա», 1055 գրամ «Ափիոն», 72,8 գրամ «Հերոին» տեսակի թմրամիջոցներ:
MediaNews-ի՝ ուժային կառույցներում մեր աղբյուրները հայտնում են, որ թմրամիջոցներ հայտնաբերվել են նշված անձանց բնակարաններում
- ՀՅԴ Մեղրի կառույցի ղեկավար՝ Ռոմիկ Համբարձումյան
- ՀՀԿ Բերդի շրջանային խորհրդի նախագահ Խաչիկ Մելիքյան
- ՀՅԴ-ի համակիր՝ Գեղարքունիքի մարզից Հովիկ Ավետիսյան
Նաև հայտնենք, որ այս օրերին իշխանափոխության պահանջով բողոքի ակցիաներին մասնակցում են բազմաթիվ անձինք, ովքեր գրանցված են նարկոդիսպանսերում։ Ստորև ներկայացնում ենք այդ անձանց։
Երևան քաղաքից
- Դավիթ Աբաջյան — Լևոն Քոչարյանի կողմնակից
- Լևոն Գամազյան — Տարոն Մարգարյանի մտերիմ ընկեր
- Արսեն Նիկողոսյան — ՀՀԿ անդամ
- Կարեն Արշակյան — ՀՀԿ համակիր
- Իգոր Ալոյան — Սեյրան Օհանյանի մտերիմ
Կոտայքի մարզ
Արման Պողոսյան — ՀՅԴ ակտիվիստ
Չարենցավան
Արմեն Մելքոնյան — ՀՅԴ ակտիվիստ
Սյունիքի մարզ
- Սուրիկ Օհանջանյան — Առուշ Առուշանյանի մտերիմ
- Տիգրան Խաչատրյան — Լիսկայի՝ Սուրիկ Խաչատրյանի որդին
- Էրիկ Խաչատրյան — Լիսկայի՝ Սուրիկ Խաչատրյանի եղբոր որդին