Այսօր Երասխում զոհված զինծառայողն Ակներ բնակավայրից էր. ուներ երկու անչափահաս երեխա

Այսօր Երասխում զոհված զինծառայողը Գորիս համայնքի Ակներ բնակավայրից էր:Այս մասին տեղեկանում ենք Գորիսի համայնքապետարանի ֆեյբուքյան էջից։

«33-ամյա Հրաչ Մանասարյանը պայմանագրային զինծառայող էր։ Ուներ երկու անչափահաս երեխա։ Որդեկորույս Գորիսի մի զավակն էլ գնաց դեպի հավերժություն»,-նշված է հրապարակման մեջ:

Հիշեցնենք՝ այսօր ՀՀ ՊՆ-ից հայտնեցին, որ մարտի 7-ին, ժամը 12։40-ի սահմաններում, Ադրբեջանի ԶՈՒ ստորաբաժանումները նշանառու կրակ են բացել հայ-ադրբեջանական սահմանի արևմտյան հատվածում տեղակայված հայկական մարտական դիրքերի ուղղությամբ, ինչի հետևանքով հրազենային վիրավորում է ստացել ՀՀ ԶՈՒ երկու զինծառայող։ Նրանցից մեկը, ՀՀ ՊՆ N զորամասի պայմանագրային զինծառայող, սերժանտ Հրաչ Արամի Մանասարյանը, հիվանդանոց տեղափոխվելու ճանապարհին մահացել է։ Վիրավորում ստացած մյուս զինծառայողի կյանքին վտանգ չի սպառնում։

Loading

Մի մոռացեք կիսվել Ձեր ընկերների հետ