Ուկրաինան փակում է իր երկրի օդային տարածքը քաղաքացիական ինքնաթիռների համար: Այս մասին հայտնում է UkSATSE-ի մամուլի ծառայությունը։
Ուկրաինայի օդային տարածքի քաղաքացիական օգտատերերի կողմից օդային երթևեկության ծառայությունների մատուցումը դադարեցված է, թռիչքուղու օգտագործման թույլտվություն ունեն միայն ոչ քաղաքացիական օդային տրանսպորտային միջոցները:
Նշվում է, որ Ուկրաինայի օդային տարածքի օգտագործման փոփոխությունների մասին կհայտարարվի ավելի ուշ։
Հիշեցնենք, իրավիճակը Դոնբասում ծայրաստիճան լարված է: Սահմանային գծի ողջ եկայնքով մարտեր են ընթանում:
Այս գիշեր Դոնեցկի և Լուգանսկի իշխանությունները հատուկ փաստաթղթով դիմել են Ռուսաստանին ռազմական օգնության համար: Վաղ առավոտյան ՌԴ նախագահը հայտարարել է Դոնբասում հատուկ ռազմական օպերացիայի մեկնարկի մասին, Ուկրաինայի նախագահն էլ ամբողջ երկրում ռազմական դրություն է սահմանել: