Կետադելֆինները միշտ առանձնահատուկ տեղ են զբաղեցրել կենդանիների սիրահարների սրտերում: Նրանք հրաշալի, չափազանց խելացի են եւ կարող են համակարգել միասնական որս, շփվել միմյանց հետ: Նրանք սննդի շղթայի գագաթում են եւ օգտագործում են ցանկացած միջոց, որը անհրաժեշտ է թիրախին ոսալու համար:
Արու կետադելֆինի երկարությունը հասնում է 10 մ, իսկ քաշը՝ 8 տ։ Կետադելֆինի մեջքին կա 160-170 սմ-ոց գերանդիաձև լողակ, որն օգնում է նրան հեշտությամբ ճեղքել ջուրը և արագ շարժվել։
Չուկչիները մինչև վերջերս սարսափով էին նայում Կետադելֆինի մեջքի գերանդիաձև լողակին, կարծելով որ այն կարող է կպնել մակույկի հատակին և դանակի պես կտրել այն, մինչդեռ այդ լողակը չունի ոսկոր։
Կետադելֆինի լողաթիակներն օժտված են հետաքրքիր առանձնահատկությամբ։ Նրանք հարուստ են արյունատար անոթներով և կատարում են ջերմակարգավորիչ դեր։
Տեղաշարժի ընթացքում արյունատար անոթների լուսածերպը կարող է մեծանալ կամ փոքրանալ, որի պատճառով լողաթիակները կարող են փափկել կամ կարծրանալ։ Արագ ընթացքի դեպքում արյան հոսքը մեծ է, այդ իսկ պատճառով լողաթիակներն ավելի են կարծրանում։
