Վանաձորի բնակչուհի Եվգին Աբրահամյանին այսօր ծննդյան 100-ամյա հոբելյանի առթիվ հյուրընկալվել էր Լոռու մարզպետ Արամ Խաչատրյանը՝ մարզպետարանի կրթության, մշակույթի և սպորտի բաժնի պետ Արամ Գրիգորյանի և օգնական Էրիկ Կոստանյանի ուղեկցությամբ:
Այս մասին տեղեկացնում է մարզպետարանի ֆեյսբուքյան էջը:
Մեկ դարը բոլորած տատիկը ծնունդով մարցեցի է, ապրել, աշխատել ու ընտանիք է կազմել հայրենի գյուղում, մեծացրել 5 զավակ, ունի 9 թոռ, 15 ծոռ: Վերջին 5 տարիներին բնակվում է Վանաձորում՝ դստեր մոտ:
Մարզպետը ջերմորեն շնորհավորել է Եվգին տատիկին՝ մաղթելով քաջառողջություն և սիրով լեցուն երջանիկ ծերություն:
«Հայ կնոջ համբերատար տեսակով և օրինակով դուք սերունդներին եք ավանդում չերկնչելու, ամուր լինելու և հավատով ապրելու կարևոր գաղափարները»,- ասել է Արամ Խաչատրյանը: Մարզի ղեկավարը շնորհավորագիր և դրամական պարգև է հանձնել տատիկի դստերը:
