Ես նույնիսկ նախարարի պաշտոնակատար չեմ, ես պարտականությունները կատարողն եմ, եւ ինձ վերապահված են բոլոր գործառույթները, այդ թվում՝ որոշում կատարելու, բայց ես այդ որոշումները կամայականորեն, միայնակ չեմ կայացնում։
Այս մասին այսօր կառավարության նիստից հետո լրագրողների հետ զրույցում ասաց մշակույթի նախարարի պարտականությունները կատարող Նազենի Ղարիբյանը։
Նա անդրադարձավ ՊՈԱԿ-ների լուծարման, միավորման հարցերին՝ նշելով, որ դա ոչ թե որոշում էր, այլ կառավարության հանձնարարական՝ կոնկրետ աշխատանաք կատարելու․
«Դա բխում էր կառվարության ծրագրից, օպտիմալացման գործընթացից, բոլոր նախարարություններն են ստացել նման հանձնարարական, մեր ներկայացրած տեղեկանքի մասով էլ՝ արտահոսք է եղել, եւ դա արհեստական աղմուկ է առաջացրել»։
