Յուրաքանչյուրը, ով «առիթից առիթ» ալկոհոլ է խմում, գիտի, որ գարեջուրը, գինին կամ պինդ ալկոհոլային խմիչքները հաճախ քնկոտություն են առաջացնում: Ավելին, մի շարք սոցհարցումներ ցույց են տալիս, որ մարդկանց մոտ 20%-ը ժամանակ առ ժամանակ ալկոհոլ է խմում՝ որպես քնաբեր։ Ալկոհոլն օգնում է ավելի արագ քնել, բայց ի՞նչ կարելի է ասել նման հանգստի որակի մասին: Ի՞նչ է տեղի ունենում փակ աչքերի հետևում, երբ քնում եք մեկ բաժակ գինի խմելուց հետո:
Քնի ցիկլի խախտում
Քնելուց առաջ ալկոհոլ խմելը կապված է դանդաղ քնի ալիքների հետ, որը կոչվում է դելտա ակտիվություն: Սա խորը քնի տեսակ է, որը թույլ է տալիս ձևավորել հիշողությունը և սովորել: Միևնույն ժամանակ, ալկոհոլը չի անջատում ուղեղի ալֆա գործունեությունը, ինչը խանգարում է հանգստին։ Այլ կերպ ասած՝ գլուխը չի հանգստանում։
Ցիրկադական ռիթմի խախտում
Թեև Դուք կարող եք արագ քնել ալկոհոլ օգտագործելուց հետո, ավելի հավանական է, որ արթնանաք գիշերվա կեսին: Բացատրություններից մեկն այն է, որ ալկոհոլն առաջացնում է ուղեղում քիմիական ադենոզինի արագ կուտակում, որն ի սկզբանե քնկոտություն է առաջացնում, բայց դրա կախարդանքը ցրվում է նախքան իսկապես կհանգստանաք:
Կարող են առաջանալ շնչառության խնդիրներ
Ալկոհոլը հանգստացնում է ամբողջ մարմինը, ներառյալ կոկորդի մկանները: Եվ դա ավելի հավանական է դարձնում խռմփոցի առաջացումը:
