Էթերի Տուտբերիձեի սանը՝ Ադելյա Պետրոսյանը, Օլիմպիական խաղերի արծաթե մեդալակիր Եվգենյա Մեդվեդևային համարում է իր սիրելի գեղասահորդուհին և պատմել է, թե ինչպես է իրեն համեմատում աշխարհի և Եվրոպայի կրկնակի չեմպիոնի հետ, հայտնում է Armsport.am-ը: -Երբ ես փոքր էի, Ժենյա Մեդվեդևան դեռ սահում էր:
Նա զարմացրեց ինձ իր կայունությամբ, ես ուզում էի նույնքան հուսալի և գեղեցիկ սահել: Այդպիսով, իմ սիրելի գեղասահորդուհին Ժենյան է: -Ի դեպ, Ձեզ հաճախ են համեմատում նրա հետ, ասում են, որ նման եք թե՛ արտաքինով, թե՛ սահելու ոճով։ Ի՞նչ կարծիքի եք այս մասին։ Իսկ դուք Ժենյայի հետ քննարկե՞լ եք դա։
-Ժենյայի հետ, իհարկե, չենք քննարկել: Պարզապես երկար տարիներ խոսում են այս մասին, և ես ինքս ինչ-որ պահի հավատում էի, որ մենք նման ենք:
Բայց սահելու ոճը, ինչպես ինձ թվում է, դեռ տարբեր է,- ասել է Պետրոսյանը «Матч ТВ»-ին տված հարցազրույցում։
Հիշեցնենք, որ Ադելյան դարձել է կանանց գեղասահքի պատմության մեջ առաջին գեղասահորդուհին, ով կատարել է քառակի ռիտբերգեր՝ առանց ընկնելու:
