Դեկտեմբերի 19-ին ժամը 06:00-ից սկսած, Հունաստան ժամանելիս, անկախ պատվաստումից, պետք է օդանավակայանում ներկայացնել բացասական կորոնավիրուսային թեստի արդյունք ՝ ՊՇՌ թեստ, որն արվում է ուղևորությունից ոչ շուտ, քան 72 ժամ առաջ, կամ էքսպրես թեստ՝ արված ճամփորդությունից 24 ժամ առաջ:
Ուրբաթ օրը Հունաստանի կառավարության տեղեկագրում հրապարակված որոշման մեջ նշվում է, որ այս միջոցը կգործի մինչև 2022 թվականի հունվարի 10-ի ժամը 06:00-ն:
Բացասական թեստի պահանջը վերաբերում է նաև հինգ տարեկան և բարձր երեխաներին:
Բացառություն է արվում միայն այն ճանապարհորդների համար, ովքեր Հունաստանից մեկնել են արտերկիր և վերադարձել 48 ժամվա ընթացքում՝ պայմանով, որ նրանք կատարել են ՊՇՌ թեստ՝ ուղևորությունից կարճ ժամանակ առաջ։
