Հանրային հեռուստաընկերությանը տված հարցազրույցում գործարար Խաչատուր Սուքիասյանն անդրադարձել է մասնավորապես ադամանդագործության վիճակին:
Նրա խոսքով, ադամանդագործությունը վերջին 10 տարում անկում էր ապրում, հիմա սկսում է զարգանալ:
«Ես ինքս ծանոթ եմ մարդկանց, ովքեր Հոնգկոնգից, Դուբայից գրասենյակները տեղափոխում են Հայաստան: Աբովյան քաղաքում մի մեծ շենք են վերցրել, վերակառուցում են, եւ մայիս-հունիսին բացելու են, մոտ 3000 մարդ աշխատելու է:
Հայկական ոսկերչությունը կարող է այդ արտադրանքը վերցնել, քանի որ մշակված ադամանդը ներկրվում է:
Եթե ադամանդը Հայաստանում մշակվի, մի քանի տարի անց այս ոլորտում կարող է 15-20 հազար մարդ աշխատել Աբովյանում ու Նոր Հաճընում», ասել է Խաչատուր Սուքիասյանը:
