«Երբ որ ասում եք՝ դուք վարչապետ եք դարձել, դուք մեր տերն եք, դուք սխալ եք ասում, այդ դուք եք տերը Ձեր հայրենիքում։ Կարող է՝ Հայաստանում եղել է ղեկավար, որին հաճույք է պատճառել, որ մարդիկ ասեն՝ իրենց տերն է, բայց ես ձեր ծառան եմ, տերը դուք եք»,- հայտարարել է Հայաստանի վարչապետ Նիկոլ Փաշինյանը։
Գերմանիայի Քյոլն քաղաքի հայ առաքելական եկեղեցու առաջնորդարանում տեղի ունեցավ Փաշինյանի հանդիպումը հայ համայնքի հետ ։
Վարչապետին Գերմանիայում ուղեկցում են արտաքին գործերի նախարար Զոհրաբ Մնացականյանը, Գերմանիայում Հայաստանի դեսպան Աշոտ Սմբատյանը և այլ պաշտոնյաներ։
