ՊՆ նախարարը կազատվի պաշտոնից, հայտնի է ով կլինի Պաշտպանության նոր նախարարը

Մեզ հասած հավաստի տեղեկությունների համաձայն  վարչապետ Փաշինյանի որոշմամբ ՊՆ նախարար Արշակ Կարապետյանը կազատվի զբաղեցրած պաշտոնից։

Մեր աղբյուրները հայտնում են, որ վարչապետ Նիկոլ Փաշինյանի որոշմամբ  Պաշտպանության նախարարի պաշտոնում կնշանակվի Սուրեն  Պապիկյանը։

Հիշեցնենք, որ Արշակ Կարապետյանը 2018֊2021 թվականներին եղել է ՀՀ վարչապետի խորհրդական։ 2021 թվականի ապրիլի 13-ից մինչև հուլիսի 20֊ը եղել է ՀՀ ԶՈՒ գլխավոր շտաբի պետի առաջին տեղակալ։

2021 թվականի հուլիսի 20֊ին ՀՀ վարչապետի պաշտոնակատար Նիկոլ Փաշինյանի որոշմամբ նշանակվել է ՀՀ պաշտպանության նախարարի առաջին տեղակալ, իսկ նույն թվականի օգոստոսի 2-ին նշանակվել է պաշտպանության նախարար։