Թուրքիայի նախագահ Ռեջեփ Թայիփ Էրդողանն ամերիկյան հեռուստաալիքին տված հարցազրույցում հայտարարել է, որ Անկարան հետագայում ևս Մոսկվայից ձեռք կբերի Ս֊400 զենիթահրթիռային ՀՕՊ համակարգեր:
Ինչպես հայտնի է, Թուրքիան արդեն մեկ խմբաքանակ գնել Ռուսաստանից, ինչը լուրջ ճգնաժամ է առաջացրել թուրք ամերիկյան հարաբերություններում:
«Ապագայում ոչ ոք չի կարողանա միջամտել այն հարցին, թե ինչ պաշտպանական համակարգեր ենք մենք գնելու, որ երկրից և ինչ մակարդակով։ Ոչ ոք չի կարողանա միջամտել այդ հարցին: Ես ամեն ինչ բացատրել եմ ԱՄՆ նախագահ Բայդենին։ Մենք պատրաստվում էինք Ֆ-35 ինքնաթիռներ ձեռք բերել և դրա համար 1.4 մլրդ դոլար ենք վճարել»,- ընդգծել է Էրդողանը` հավելելով, որ Անկարան արդյունքում այդպես էլ չի ստացել կnրծանիչները։
Նրա խոսքով` իրենք նաև խնդրել են վաճառել «Պատրիոտ» զենիթահրթիռային համալիրները, սակայն ԱՄՆ֊ն չի համաձայնել։
