Վաղը` փետրվարի 26-ին, կանցկացվի «Հողեր չունենք տալու» կարգախոսով հայահավաք: Այս մասին այսօր կայացած ասուլիսի ժամանակ հայտարարեց կինոռեժիսոր Արշակ Զաքարյանը:
Հավաքը կմեկնարկի վաղը` ժամը 16:00-ին, Ծիծեռնակաբերդից` Սումգայիթի զոհերի հիշատակին նվիրված հուշաքարի մոտից, որից հետո ջահը կվառեն անմար կրակով և կշարժվեն դեպի Ազատության հրապարակ, որտեղ կարճ հավաքից հետո քայլերթով կշարժվեն դեպի Եռաբլուր:
«Հավաքը շատ կարճ կլինի, որովհետև իմաստը ոչ թե դիվիդենդ շահելն է, հեքիաթ պատմելն է, այլ իմաստը քայլերթն է դեպի Եռաբլուր, մեր տղաների շիրիմների առաջ երդում կտանք, որ իրենց արյունով ողողված հողը, քանի մեր բազուկը կարողանում է զենք բարձրացնել, քանի կանգնած ենք մեր հողի վրա, թույլ չենք տա մեր հողը թուրքի ոտքի կոխան դառնա»,- ասաց Արշակ Զաքարյանը:
տեսանյութը՝ shantnews.am
