Հայաստանի վարչապետ Նիկոլ Փաշինյանն Ազգային ժողովի ամբիոնից հայտարարեց, որ Սյունիքում հայկական գյուղերն ադրբեջանական զինված ուժերի կողմից շրջափակման մեջ չեն հայտնվել և չեն հայտնվելու: «Արմենպրես»-ի փոխանցմամբ, այս մասին նա խոսեց «Հայաստան» դաշինքի պատգամավոր Աննա Գրիգորյանի հարցին ի պատասխան, թե արդյոք Հայաստանն ունի երաշխիք, որ Ադրբեջանը Սյունիքում չի փակի Գորիս-Կապան ճանապարհը՝ մարդկանց թողնելով շրջափակման մեջ:
«Այո, կան ռիսկեր: Եվ Հայաստանի կառավարությունն այդ ռիսկերը կառավարելու համար ձեռնարկում է բոլոր անհրաժեշտ միջոցները»,- հայտարարեց Փաշինյանը:
