ԱՄՆ Իլինոյս նահանգի Արևելյան Սենթ-Լուիս քաղաքում զանգվածային հրաձգություն է տեղի ունեցել։ Այս մասին հայտնում է Boston 25-ը՝ հղում անելով արտակարգ ծառայություններին։
Սպանվել է մոտ 12 մարդ, ևս 6-ը՝ հոսպիտալացվել են։ Դեպքը տեղի է ունեցել մսի շուկայի մոտ։
FOX 2 հեռուստաալիքի փոխանցմամբ՝ հրաձիգներից մեկը փորձել է փախուստի դիմել երկաթուղային գծանցով, սակայն գնացքը հարվածել է նրա մեքենային։ Դեպքի վայր ժամանած ոստիկանությունը մեքենայի մեջ ոչ ոքի չի հայտնաբերել։
Գնացքում գտնվել է մոտ 10 ուղևոր, նրանցից ոչ ոք չի տուժել։ Ներկայում ոստիկանությունը փնտրում է կասկածյալներին երկաթուղային գծանցի մոտ գտնվող անտառներում։
