Ռոբերտ Քոչարյանի և Արմեն Գևորգյանի գործով մեղադրական եզրակացության հրապարակումը ձգձգվում է. գործով մեղադրող դատախազը սա պաշտպանների կողմից պլանավորված գործողություն է համարում:
Այսօրվա նիստում նախագահող դատավորը նախ նկատողություն տվեց նախորդ նիստի ընթացքում առանց դատարանի թույլտվության նիստերի դահլիճը լքած Գևորգյանի պաշտպան Էրիկ Ալեքսանյանին, ապա մեկ օրինաչափություն արձանագրեց, որը նկատել է պաշտպանության կողմի վարքագծում:
Պաշտպանական կողմը, սակայն, հակադարձեց՝ նշելով, որ իրենք պատրաստ են հանրայնացնել մեղադրական եզրակացությունը, և այստեղ ինտրիգ չկա:
Աննա Դանիբեկյանը մինչև սեպտեմբերի 28-ը հետաձգեց դատական նիստը:
Այդ ընթացքում Արմեն Գևորգյանը պետք է ներգրավի նոր պաշտպան, որն էլ պետք է հասցնի ծանոթանալ նյութերին։