Արարատի մարզի Ռանչպար սահմանամերձ համայնքը կգազաֆիկացվի: Այս մասին հայտնում են Արարատի մարզպետարանից:
Գազաֆիկացման հարցը, որը համայնքի կարևորագույն հիմնախնդիրներից է համարվում, կլուծվի կառավարության սուբվենցիոն ծրագրով:
Այս տարվա ծրագրով կապույտ վառելիքից կօգտվի համայնքի 75 %-ը: Համայնքի մնացած հատվածի գազաֆիկացումը կիրականացվի հաջորդ տարիներին:
Ծրագրի ընդհանուր արժեքը կազմում է 126 միլիոն ՀՀ դրամ, որի 65 %-ը հատկացնում է ՀՀ կառավարությունը, 3 5%-ը՝ համայնքը:
Աշխատանքների մեկնարկն արդեն տրված է, նախատեսվում է ավարտին հասցնել դեկտեմբերին:
