Խոշոր ավտովթար է տեղի ունեցել Երևանում: Այսօր, ժամը 16:30-ի սահմաններում Էրեբունի թանգարանի մոտակայքում բախվել են Toyota Camry մակնիշի 23 RR 332 համարանիշի և Jinbei մակնիշի շտապօգնության ավտոմեքենան:
Ինչպես տեղեկացնում է shamshyan.com-ը, բախման հետևանքով 5 հոգի մարմնական վնասվածքներով տեղափոխվել են «Էրեբունի» բժշկական կենտրոն:
Նշվում է, որ ոստիկանությունը պարզում է վարորդների և վիրավորների ինքնությունը:
Աղբյուրը հայտնում է նաև, որ շտապօգնության ավտոմեքենան հիվանդ էր տեղափոխում, սակայն պարզվելու է՝ արդյոք միացված են եղել լուսաձայնային ազդանշանները:
