Լեռնապատի երկնքում հայկական ԱԹՍ-ներ են. Գյումրիից, Գեղարքունիքից ու Երևանից դպրոցական թիմերը հասել են Լոռի՝ նախապատրաստվելու սեպտեմբերի 18-ին կայանալիք «Հավք 2021» ԱԹՍ առաջին մրցույթին, որին մասնակցելու է 30 թիմ։
Լյովան ու ընկերները Շիրակից են. վերջին փորձերն են անում: Պատանի գյուտարարներն ուզում են օդաչու դառնալ:
Խմբերի առջև դրվել է երեք խնդիր. ԱԹՍ-ի միջոցով հայտնաբերել կրակի օջախ և տուժածի, գոյատևման փաթեթ առաքել, հեղուկ նյութեր սփռել։ Ավետիք Քերոբյանի խոսքով՝ ԱԹՍ-ների միջոցով նման խնդիրների լուծումը կարող է էապես թեթևացնել փրկարարի աշխատանքը:
